One Happy Island Lions Club a organisa mainta educativo tocante diabetes na 3 scol basico
Recientemente One Happy Island Lions Club, conhuntamente cu Fundacion Diabetes y POH a organisa session informativo pa 4de klas na scolnan basico Fatima, Pius X & Dominicus College.
Durante e mainta aki, e expertonan di POH a sa di splika e muchanan con diabetes 2 por desaroya y kiko por haci pa preveni esaki.
Tambe e muchanan a siña over di diabetes tipo 1 cu hopi biaha ta desaroya na muchanan hopi jong of ta nace cune. Tambe a siña kiko pa haci ora tin muchanan den klas cu tin esaki.E mainta a bay hopi ameno, cu hopi pregunta al caso di nos muchanan.Na final a test loke a wordo siña cu un wega di kahoot.
Tur mucha a ricibi fruta na final y un botter di awa pa fomenta comemento sano.
Un danki special ta bay pa Fundacion Diabetes y POH cu a haci esaki posibel.
Tambe un danki special na nos sponsornan pa e evento aki, Cede Aruba, Bureau Interne Diensten, Utilities NV, Plus Accountants, High Performance
