Celebracion grandi di excelencia na La Cabana pa su di cuater kwartaal

ORANJESTAD – La Cabana Beach Resort & Casino tabata orguyoso pa host nan di cuater kwartaal Luncheon 2024, un evento diseña pa reconoce e contribucionnan excepcional di tur empleado. E evento anual aki ta subraya tres categoria prestigioso na unda cu empleadonan ta logra excelencia den servicio, cual ta:  Empleado di Luna, Supervisor di Kwartaal, y Team di Kwartaal.

Pa haya un nominacion p’e premionan aki ta un honor grandi, reflehando e aprecio pa empleadonan, pa nan caracter y potencial pa logronan ainda mas grandi. Prome cu e ceremonia formal, nominadonan a haya un treat di un dushi buffet, brindando nan e oportunidad pa relaha y disfruta e momento prome cu e celebracionnan mes cuminsa.

E Luncheon a reconoce e trabao duro y dedicacion di empleadonan cu a sobresali den nan trabao y responsabilidadnan, durante e ultimo tres luna di e aña. E resort tabata contento di por anuncia e siguiente ganadonan: Egda Carrasquero, Housekeeping, pa empleado di luna di october. Favier Thode, Human Resources, Empleado di Luna pa november. Seferina Werleman, Housekeeping, Empleado di Luna pa december.

Nixon Castillo, Activities & Health Club, supervisor di 4th Quarter, y Laundry Team, Team di 4th Quarter. E ganadonan y esnan nomina ta ehempel di standard halto di excelencia cu La Cabana Beach Resort & Casino ta para p’e. Nan dedicacion y trabao duro ta sirbi manera un inspiracion pa tur nan coleganan, y un testament pa nan compromiso na excelencia.

Un pabien ta bay na tur ganado y nominadonan. Boso logronan ta inspira otronan pa sigui bay dilanti. La Cabana Beach Resort & Casino ta celebra y aprecia boso dedicacion y contribucion den haci vacacionnan memorabel.