10 POLIS TA CERTIFICA PA EXAMINATOR DI RIJBEWIJS
A termina e curso cu exito
MACUARIMA, ARUBA: Recientemente eagentenan policial di e departamento di Examen Rijbewezen a participa den un curso intensivo pa bira e proximo examinatornan nobo.
Despues di algun dia di curso y preparacion 10 agente policial ta termina esaki cu exito y awor ta certifica pa por duna examen.
Un preparacion cu hopi dedicacion pa asina amplia e conociemento y capacidad di e agentenan di BER pa asina nan por sigui desaroyanan mes.
Den presencia di altocomisario di Polis drs. Ramon Arnhem como tambe staf di Cuerpo Policial Aruba a celebra e momento aki special hunto pero tambe a haci entrega oficial di e certificado na cada un 10 cursista.
Masha pabien na cada un cursista cu a pasa e examen exitoso y awor ta cla pa pone nan conocimiento di e departamento di Examen Rijbewezen.
