Holiday Markets ta yama bon bini na dianan di fiesta na Hilton Aruba Caribbean Resort & Casino
PALM BEACH – E tercer apertura di Holiday Market ta inicia na Hilton Aruba Caribbean Resort & Casino den luna di december 2024. E edicion aki di e mercado popular di dianan di fiesta cu artesano local lo tuma luga den e lobby principal decorativo riba 4 di december, y for di 11 te cu 18 di december entre 7pm pa 9:30pm.
E mercadonan aki ta un manera bunita pa bishitantenan disfruta di loke ta e temporada di pasco aki na Aruba. Cada siman e encuentro lo inclui diferente selecion di artesania traha na man, y regalonan unico cu musica pa Duo Aria, Rachelle Kraaijvanger y Zulaika Geerman, presentando tur e clasico cancionnan faborito di pasco.
Tambe tur siman un grupo diferente di artesano lo presenta nan creacionnan, incluyendo sea glass art, hoyeria traha di lionfish fins, canvas painting, Bela organico, piesa di palo, habon organico, resin artwork, y hopi articulo unico.
Bishitantenan tambe por disfruta di loke ta un photo-op complementario y bay cas cu un potret memorabel como nan souvenir. E terapistanan na eforea spa lo ta presente pa asina ofrece chair-massage y tambe otro regalonan chikito. Aruba Animal Shelter tambe lo ta presente riba cada siman pa introduci nos bishitantenan na e trabao importante cu nan ta haci.
Nan lo stock un variedad di regalo pa mascota, y si algun bishitante lo desea di laga un donacion, e shelter su residentenan di cuater pata sigur lo bay ta aprecia esaki.
Agregando n’e ambiente festivo, Santa y su ayudantenan. Bishitantenan y localnan di tur edad ta invita pa bin interactua cu Santa mientras nan ta shop, bebe of come, of simplemente disfrutando di Aruba su spirito navideño. Felis dianan di fiesta di parti henter e team na Hilton Aruba Caribbean Resort & Casino.
