IBEROSTAR NA MIAMI 

• Iberostar ta regresa Miami cu dos hotel nobo: Iberostar Waves Berkeley Shore y Iberostar Waves Miami Beach, reconfirmando e compromiso strategico di e compania pa destinacionnan dilanti lama.
• E dos hotelnan aki tambe ta uni hunto na e apertura cu a ser anuncia di JOIA Aruba by Iberostar, Spaña y Tunisia, como parti importante di e plan di expansion di Iberostar pa 2024-2025.

Aruba, 8 Januari 2025 – Iberostar Hotels & Resorts ta continua expande su presencia internacional cu e apertura di dos hotel nobo na Miami: Iberostar Waves Berkeley Shore y Iberostar Waves Miami Beach, dos hotel cu ta situa den e curason di South Beach. Ambos Hotel ta ofrece acomodacion di calidad bou di e marca Iberostar Waves.

E regreso di Iberostar na Miami ta muestra di e confiansa di e compania den un di e destinacion mas dinamico di mundo. Miami no solamente ta conoci pa su beachnan y diversion, como tambe pa su herencia cultural y arkitectura. 

Aña 2024 a keda marca como un aña fundamental den e transformacion di e portafolio di hoteli Iberostar. Den esaki, Phil McAveety, CEO di Iberostar Hotels & Resorts, a declara: “E apertura aki ta uno importante den nos strategia di expansion. Cu localidad den un destinacion di fama mundial, serca di lama y cu e servicionan di calidad halto di Iberostar, ambos hotel ta refleha nos esfuersonan pa ofrece un proposicion renova y pa promove un modelo di turismo sostenibel.”

Iberostar Waves Berkeley Shore, cu a cuminsa funciona bou di e segmento Iberostar Waves na December 2024, ta situa den un edificio di 1940 cu ta retene su arkitectura iconico Art Deco. E propiedad ta ofrece 96 kamber, un pool, un solarium riba dak cu bista na lama, y un restaurant. 

Iberostar Waves Miami Beach cu a bira un Iberostar Waves na Januari 2025, tin 82 kamber. E hotel aki ta ideal pa tanto famianan como bishitantenan di negoshi, danki na su sala di meetings y su localidad serca di Miami Convention Centre.

Tur dos hotel ta inclui eficiencia energis y practicanan sostenibel alinea cu e meta di sostenebilidad di Iberostar.

Cu un localidad di lujo, e dos hotel nan aki ta apenas algun paso for di lama y serca di lugarnan famoso manera Lincoln Road Mall, ideal pa shopping of pa bishita galerianan di arte; New World Center, e cas di New World Symphony; y e iconico Ocean Drive na South Beach, entre otro lugarnan di interes den e ciudad.

E apertura nan aki ta uni cu JOIA Aruba by Iberostar, cu a habri na December 2024, y dos hotel nobo cu ta habri na April 2025: Iberostar Selection Mirage Hammamet na Tunisia y Iberostar Selection Es Trenc na Mallorca. Cu esakinan, Iberostar ta consolida su plan di crecemento den destinacionnsn dilanti laman, cu un producto renoba y un oferta pa vakantie adapta na e necesidadnan di e huespednan.