ππͺπ―πͺπ΄π΅π¦π³ ππ’π―π¨πΆπͺ ππ₯πΆπ£π¦π³ : ππ’π‘π¦π§π₯π¨ππππ’π‘ ππ π₯ππ¦π§ππ¨π₯ππ‘π§ π‘π ππππ¬ πππππ, π£ππ₯π§π ππ π ππ¦π§ππ₯π£πππ‘ π¦ππ₯π’ ππ’ππ’π₯πππ’
Minister Dangui Oduber ta habri siman informando cu pronto e destaho publico pa construccion di restaurant Baby Beach lo bai na vigor. E proyecto di restaurant aki ta forma parti di e masterplan di Sero Colorado.
E masterplan aki a wordo reparti den diferente fasenan;
1. restauracion di trapinan na Rodgers y Baby Beach,
2. realocacion di e turtle wall,
3. restructuracion di Rodgers Beach y Baby Beach su parkeo,
4. construccion di un βtrafohuisβ nobo,
5. renovacion di e dos canchanan deportivo di tennis na Baby Beach,
6. y awo e construccion di e restaurant na Baby Beach, cual ta situa entre e dos canchanan di tennis.
E realizacion di tur e proyectonan aki, cual ta representa inversion di miyones di florin, ta eleva e calidad di e area completo y asina pone e area aki bek den su temponan di gloria. Sigur e proyectonan aki lo duna un impulso positivo y lo crea un spinoff economico grandi pa e area. Una vez e canchanan deportivo di tennis y e restaurant wordo entrega e masterplan di e Proyecto di Baby Beach lo keda cristaliza.
Hopi politico a priminti San Nicolas hopi cos y tiki por a realmente cumpli.
Minister Dangui Oduber a bisa loke e ta bai haci y a haci loke e la bisa. Ora cu e proyecto di Baby Beach y Rodgers beach keda cla henter e area lo keda masha bunita mes.
E maneho cu a wordo a hiba pa Minister Dangui Oduber a enfoka riba haci inversionan den producto Aruba pa asina nos producto keda uno competitivo y e proyecto aki ta demostra con a cumpli cu e maneho tambe cu a wordo hiba.
