Minister mr. Geoffrey Wever : Tayer gratis pa empresarionan nobato
Oranjestad, 19 Februari 2025 – Un negoshi exitoso ta cuminsa cu un bon preparacion. Pa esaki, Ministerio di Asuntonan Economico, Industria y Comercio, a traves di su unidad IDEA, ta organisa un tayer gratis dia 27 di februari pa tur esnan cu ta desea cuminsa of crece den nan caminda empresarial.
Segun minister Geoffrey Wever, tayernan manera esaki ta crucial pa empodera nos hendenan. “Economia di Aruba ta depende grandemente di negoshinan chikito y mediano. Nos pueblo ta conoci pa su espirito comercial, ambicion y creatividad, pero pa logra exito, tin hopi mas cu simplemente un bon idea. Maneha un negoshi ta rekeri administracion, research, y cumplimento cu regulacionnan, entre otro,” minister Wever a enfatisa.
E workshop aki lo guia participantenan den e prome paso pa un negoshi solido. Sr. Edward Erasmus di Erasmus Consulting & Training lo comparti su conocemento riba investigacion di mercado, analisis di competencia, y creacion di un base fuerte pa negoshi.
Fecha: 27 di februari
Orario: 9:00 – 11:00 AM
Luga: Departamento di Asuntonan Economico, Industria y Comercio, Sun Plaza Building #160, 2nd Floor, Room #25
Registra Gratis: https://Workshopidea.eventbrite.com
No perde e oportunidad pa cuminsa bo negoshi na e manera corecto. Registra awe mes!