100 aña di compromiso: Aruba Bank ta haci donacion di 100 mil florin na SEPB

Sosteniendo educacion vocacional y futuro di nos hobennan den area laboral

Advertisements

Oranjestad, Aruba – 21 februari 2025— Aruba Bank ta continua cu su compromiso pa sostene desaroyo di nos comunidad cu un donacion di 100 mil florin na Stichting Educacion Profesional Basico (SEPB). E donacion aki ta confirma e dedicacion di Aruba Bank pa promove educacion vocacional y futuro di nos hobennnan den area laboral, mientras cu e ta reenforsa su rol como un lider socialmente responsabel na Aruba. Cada luna Aruba Bank ta continua cu un donacion special pa un instancia den nos comunidad.

Gerencia di Aruba Bank conhuntamente cu ekipo di mercadeo di e banco a bishita EPB Oranjestad y EPB San Nicolas pa un recorido di ambos scol pa siña un poco mas di nan y di nan projectonan pa 2025. Durante di e recorido, Managing Director di Aruba Bank, Sra. Sharon Fränkel – de Cuba, a duna un discurso caminda cu e ela expresa cu ta un honor pa Aruba Bank haci un di dos donacion den cuadro di celebracion di 100 aña, cu alavez ta un siglo di muestra di confiansa di e pueblo di Aruba y e relacion cu nos a forma cu nos comunidad. Sra. Fränkel-de Cuba a reflexiona ariba e meta di e contribucionnan den nos comunidad y a presenta e donacion di 100 mil florin na EPB Oranjestad y San Nicolas.”

Sr. Mathilda, cabesante di EPB San Nicolas y Sr. Lopez, cabesante di EPB Oranjestad a expresa nan gratitud y entusiasmo cu awor tin recurso pa logra algun plan grandi pa sotene ambos scol.