Ontneming den caso Avestrus

Awe Corte den Prome Instancia a trata e caso di ontneming cu Ministerio Publico a cuminza contra e sospechoso O.B. S. den e investigacion Avestrus. Ministerio Publico a entrega un demanda di confiscacion pa un total di Afl. 900.000 den e caso.

Ministerio Publico a exigi e suma aki como compensacion pa e supuesto benificionan financiero cu S. a ricibi ilegalmente di e crimennan pa cual el a wordo condena den apelacion tambe.
E capital obteni di manera illegal ta inclui entre otro, donacionnan cu a wordo duna na dje y tambe sumanan haya na manera inexplicable.

Anteriormente S. a wordo condena pa un castigo di prison di 48 luna, di cual 12 luna ta condicional cu un tempo di prueba di 3 aña.
Ademas a kita di dje e derecho di participa den eleccionnan y e derecho pa ocupa cualkier cargo publico durante un periodo di 5 aña.

E caso Avestrus ta encera acusacionnan grave contra e ex-ministro de Infraestructura y tabatin un impacto profundo den sociedad. Cu e ontneming, Ministerio Publico ta busca pa kita e beneficionan financier obtenido aki, cu e fin di manda un señal cla cu crimen no ta paga.

Huez lo dicta sentencia riba 3 di april 2025.