ATIA TA CELEBRA 80 AÑA CU SU EX-PRESIDENTENAN
ORANJESTAD – Den cuadro di su di 80 aniversario, recientemente the Aruba Trade and Industry Association (ATIA) a organisa un lunch pa tur su ex-presidente y ex-directornan, Herrick Henriquez ta informa.
Ultimo biaha cu un reunion asina a wordo organisa tawata 10 aña pasa pa ATIA su di 70 aniversario. Sr. Henriquez ta conta cu ta un ex-presidente a comentele cu den pasado ex-presidentenan tawata reuni cu hunta di directiva di ATIA regularmente. Y pa e rason ei, nos a dicidi pa organisa un lunch pa no solamente celebra nos 80 aña, pero tambe siña di e historia di ATIA y haya conseho valioso di nos baluartenan cu a lidera ATIA desde decada 70 bin ariba. E informacion valioso lo wordo tuma den consideracion pa yuda crea un vision pa ATIA y futuro di Aruba su economia.
Mester indica cu e atardi tawata uno hopi ameno unda a comparti hopi storia, idea, comentatio constructivo y aprecio pa e trabou cu ATIA ta eherce pa 80 aña caba cu exito. ATIA a hasi uso di e oportinidad aki pa saca portret di tur e ex-presidente y ex-directornan pa crea un “Hall of Presidents” den nan honor. Click aki pa un video cortico di e evento.
Durante nos aña di celebracion, nos lo saca hopi informacion y video, unda nos lo culmina cu un celebracion pa comunidad completo riba 13 y 14 di juni y uno oficial riba 18 di juni cu ta e fecha di fundacion di ATIA.
