ARTBO kier felicita Amylee Melo cu a ricibi su certificado di 2e poom 🥋

E di dos siman di Maart ’25 a habri cu un grato noticia caminda Amylee Melo, alumno di Chaco Taekwondo Academy a ricibi su certificado di 2e poom, directamente for di Kukkiwon Sur Corea. Nos ta sumamente orguyoso cu e logro aki di Amy.

Si bo persona tambe ta interesa di conoce of asisti y siña e arte di taekwondo, Chaco Taekwondo Academy su dianan di training ta: dialuna – diaranson – diabierna di 5:30 pm pa 6:15 pm pa mucha y hoben. Pa adulto lesnan ta di 6:15 pm pa 7:30 pm. Localidad: Scol Basico Kudawecha (Noord)
E enfoke ta riba defensa personal, poomsae, light sparring y e arte y filosofia marcial di taekwondo.

E aña aki, Chaco Taekwondo Academy lo kier sigui su enfoke riba e chikitonan inculcando e respet, disciplina, cortesia, integridad, perseverancia, desaroyo di mente fuerte y spirito indomable. Pe e adultonan e aña aki lo concentra adicionalmente riba e fortalecimento fisico y desaroyo di e raiz di e arte di taekwondo como arte marcial.

Pa mas informacion por bishita facebook di ARTBO:
Aruba Taekwondo Bond

Y tambe di Chaco Taekwondo
Academy.