DVG ta haci un yamada na tur es cu falta pa haci nan Tuberculosis test pa presenta.

ARUBA- 21.03.2025. Departamento di Salud Publico ta haci un yamada na tur persona cu tin pendiente un Tuberculosis test pa haci na seccion di Malesanan Infeccioso, sea pa por ricibi nan permiso di estadia, pa trabou, pa motibo di salud of cualkier otro motibo, pa pasa riba un di e siguiente dianan aki bou pa haci e test:

• Dialuna dia 24 maart, entre 3:00 cu 6:00 di atardi
• Diamars dia 25 maart, entre 3:00 cu 6:00 di atardi

E dos dianan aki riba menciona ta e unico dos dianan cu e servicio pa pone  e test di Tuberculosis lo ta disponibel durante e orarionan aki cu no ta orarionan regular. Despues di e dos dianan aki cu ta 24 y 25 di maart tur persona mester pasa pa e test di Tuberculosis na nos oficina durante orario regular di trabou cu ta riba dialuna of diamars entre 7:45 cu 11:30 di mainta y 1:15 cu 3:30 di atardi.

Pa mas informacion por tuma contacto cu nos servicio di Malesanan Infeccioso na 5224239 of 5224241.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw