140 Supervisor ta Fortifica nan Habilidadnan den Tayer ofreci pa AHATA
ORANJESTAD, Aruba: 25 Maart 2025 – Despues di e gran exito y demanda pa dos aña consecutivo, mas supervisornan y gerentenan rond di Aruba ta hayando oportunidad pa fortifica nan habilidadnan di supervision cu tayernan di CHTA Education Foundation cu ta ser ofreci pa Aruba Hotel & Tourism Association (AHATA).
E tayer di dos dia ta diseña specificamente pa lidernan di ekipo y 140 participante a registra pa tuma e curso entre lunanan di Maart y April. E deseo pa siña y mehora na trabao tabata evidente ya cu tur cupo a yena rapidamente.
Cu e programa dinamico AHATA ta desea brinda sosten na supervisornan y nan gerentenan, y ta siña nan con pa fortalece y mehora nan habilidadnan, pa asina aumenta satisfaccion di nan ekipo y di cliente. E tayernan ta duna pa Louise John y Suzanne Shillingford-Brooks di Talkabout & Earth Solutions, e facilitadonan di CHTA Education Foundation.
“Ta un satisfaccion inmenso pa mira interes pa e curso unico aki cual ta yuda reenforsa e calidad di supervision na trabao y consecuentemente ta mehora servicio na Aruba. AHATA tin como meta pa sigura exito sostenibel di nos economia, ofrece educacion, y yuda nos forsa laboral desaroya nan mes”, a comparti Presidente y CEO di AHATA, Tisa LaSorte.
AHATA ta aprecia cu La Cabana Beach Resort y Eagle Aruba Resort ta patrocina e tayernan, y ta aprecia e aliansa valioso cu CHTAEF.
