Noticia

FORMADORNAN TA ENTREGA ACUERDO DI GOBERNACION CERCA GOBERNADOR

Gobernador di Aruba, Su Excelencia Alfonso Boekhoudt, riba diamars 25 di maart a ricibi e acuerdo di
gobernacion for di señor Mike Eman y señora Gerlien Croes. Durante e ultimo simannan, den nan rol como formador, nan a reuni regularmente cu Gobernador Boekhoudt pa asina duna un relato di e progreso y implementacion di e encargo di formacion.

Advertisements


E formadornan a conclui cu e candidatonan, menciona akibou pa wordo nombra, ta capaz pa e funcion di
minister, despues di evaluacion a base di e “Landsverordening integriteit ministers”. E formadornan a discuti nan conclusion riba e asunto aki cu Gobernador awe.


Cu esaki e formadornan formalmente a acepta e encargo di formacion.
Aparte di entregamento di e acuerdo di gobernacion, tambe e formadornan a informa Gobernador Boekhoudt tocante e reparticion di cartera. E formadornan a nomina e siguiente personanan pa nombramento como minister:
Partido AVP:

  • Minister di Asuntonan General, Cultura, Medio Ambiente y Naturalesa – Sr. mr. Michiel G. Eman
    (minister-presidente)
  • Minister di Husticia, Integracion y Transporte Publico – Sr. mr. drs. Arthur L. Dowers
  • Minister di Salubridad, Asunto Social, Cuido di Adulto Mayor y Maneho di Adiccion – Sra. drs. Melvin
    G. Wyatt-Ras
  • Minister di Turismo, Transporte y Labor – Sr. mr. Wendrick C. Cicilia
  • Minister di Infrastructura, Energia y Telecomunicacion – Sr. mr. drs. Arthur L. Dowers a.i.
    Partido FUTURO:
  • Minister di Relacionnan den Reino, Enseñansa, Hubentut, Inovacion y Deporte – Sra. mr. Gerlien L.
    Croes (vice minister-presidente)
  • Minister di Finansa, Asuntonan Economico y Sector Primario – Sr. mr. Geoffrey B. Wever
    E partidonan cu ta den proceso di formacion di e Gabinete nobo tambe a nomina un candidato pa

Minister Plenipotencario cu lo wordo someti na un evaluacion a base di e “Landsverordening integriteit ministers”.


Despues cu ofrece e proyecto di e decretonan nacional pa retiro di e ministernan actual y nombramento di e ministernan nobo na Gobernador, Gobernador lo pidi presidente di Parlamento pa inform’e mas pronto cu ta posibel tocante e opinion di Parlamento relaciona cu e retironan y e nombramentonan propone pa e ministernan. Si for di Parlamento no tin obhecion contra e intencion di Gobernador, por retira e ministernan actual y por nombra y huramenta e ministernan nobo. E cermonia di huramentacion lo tuma luga diabierna 28 di maart 2025, na un orario cu ainda lo wordo determina.