Minister di Salud Publico Mervin Wyatt-Ras a cera conoci cu e profesionalnan di Inspectie Volksgezondheid

Salud como base pa un futuro mas fuerte

Minister di Salud Publico, drs. Mervin Wyatt-Ras a haci subishita di introduccion na Inspectie Volksgezondheid Aruba (IVA), un instancia importante den cuido medico na Aruba.Durante e bishita, Inspectora General di IVA, señora DoryleeLopez-Penha, a duna un cordial bonbini na e minister y a dunaun presentacion amplio di e structura y responsabilidadnan di IVA. 

IVA ta forma un pilar fundamental pa e sistema di salud publicoy ta inclui su departamentonan manera “cure & care”, geneesmiddelen y meldingen. Minister Wyatt-Ras a expresa su admiracion p’e ekipo profesional di IVA y su compromiso firme pa fortifica e cooperacion entre tur instancia relevante den e cadena di cuido. Minister Mervin Wyatt-Ras tin e compromisopa trece cada instancia medico hunto pa garantisa cu cadacuidadano por conta cu un sistema di cuido medico cu ta fuerte, confiabel y cu ta cumpli cu e norma y e exigenciananinternacional. Cuido di calidad no ta un luho, e ta un derecho.

IVA su rol ta fundamental den e supervision y control di profesionalnan manera e dokternan, e specialistanan, e dietistanan, e boticarionan, y tur otro instancia den cuido. Esakita inclui tambe e supervision di cuido pa nos adultonan mayor den e casnan di cuido y e institucionnan relevante. E meta ta cla: garantisa un sistema di cuido cu ta di calidad, accesibel y sostenibel pa tur. Minister Wyatt-Ras ta conta cu e profesionalismo y dedicacion continuo di e ekipo di IVA pa logra e meta comun: un Aruba cu ta inverti den salud como base pa un futuro mas fuerte.