Delegashon di Boneiru lo bishita  Palasio di Nashonnan Uní pa Hustisia i Derecho Humano.

Algu Historiko,

Nos tin e honor pa anunsiá ku pa e promé biaha den historia di Boneiru, un grupo di representantenan di sosiedat sivíl ofisialmente lo drenta den Palasio di Nashonan Uní na New York. E mishon pionero aki a kuminsá djasabra 12 di aprel 2025.

E delegashon ta bai na kabes ku Sr James Finies, Lider di Pueblo Progresivo Uni (PPU), i ta inkluí Phenice Frans-Piar i Joseline Thielman, Miembronan di Direktiva di Muhernan Fuerte, e asina yama “ala femenino” di PPU, i tambe Davika Bissessar Shaw, Presidenta di Bonaire Human Rights Organization (BHRO).

Nos lo tuma parti den un siman kompletu di tayer, eventonan di altu nivel, seminario i konferensia den Nashonnan Uní. Nos meta ta pa trese konsenshi internashonal tokante e situashon ku ta kontinua di derecho humano na Boneiru i pa defende e derecho, dignidat i autodeterminashon di nos pueblo.

Nos mishon ta enfoká riba:

Hustisia pa tur hende
Eliminashon di probeza
Rekonosementu di derecho di komunidat nativo i marginalisá di Boneiru

E momentu aki no ta solamente un paso grandi pa nos organisashon, sino un paso balente pa loke ta e pueblo di Boneiru. Nos ta yega ku e bosnan di nos antepasadonan, nos komunidat i nos generashon futuro.

Nos ke gradisí tur esnan ku ta duna nos sosten den e bíahe aki i nos ta reafirmá nos kompromiso pa defende e derecho humano di nos pueblo riba un plataforma global.

James Finies – Lider, Pueblo Progresivo Uni
Phenice Frans-Piar – Miembro di Direktiva Muhernan Fuerte
Joseline Thielman – Miembro di Direktiva Muhernan Fuerte
Davika Bissessar Shaw – Presidenta Bonaire Human Rights Organization