Departamento di Labor y Investigacion (DAO) ta informa cu lo celebra ‘Dia di Rey’ oficialmente riba diasabra 26 di april 2025.
ORANJESTAD – ‘Dia di Rey’, cu ta e dia cu ta celebra e fecha natal di Su Mahestad Rey Willem- Alexander, ta diadomingo 27 di april 2025.
Na Hulanda a anuncia pa medio di un decreto di Cas Real cu e aña aki, pa motibo cu ‘Dia di Rey’ ta riba un diadomingo, lo tene e celebracion un dia prome.
Pa e motibo aki Gobierno di Aruba a tuma e decision pa tene e celebracion oficial di e ‘Dia di Rey’ conhuntamente cu Hulanda riba diasabra 26 di april 2025. Pues ta considera diasabra 26 di april 2025 e aña aki como e dia oficial di fiesta, segun art. 22 di e Ordenansa Laboral 2013.
DAO ta pidi dunadonan di trabou y trahadonan pa tene bon cuenta cu esaki, principalmente pa cu e compensacion pa traha riba un dia di fiesta aplicabel pa e diferente sectornan.
Schema compensacion pa traha riba un dia di fiesta
| Sector horeca y casino | Sector continuo | Sector cu por aplica trabou di shift | Tur otro sectornan | |
| Oranan regular | Max. 9 ora pa dia | Max. 8 ora pa dia | Max. 8 ora pa dia | Max. 8 ora pa dia |
| Compensacion pa oranan regular riba dia di fiesta | 200% | 200% | 200% (riba 6 dianan di fiesta cu por traha) | 250% |
| Pago di overtime riba dia di fiesta | 250% (despues cu surpasa oranan regular) | 250% (despues cu surpasa oranan regular) | 250% (riba 5 dianan di fiesta cu lo mester ta liber y despues cu surpasa oranan regular) | 250% |