Minister Geoffrey Wever: Inauguracion di Shoco Boulvard na Iberostar JOIA
Diadomingo atardi Minister Wever a atende e inauguracion di e prome Shoco Boulvard na Iberostar JOIA. Despues cu na 2019 Aruba Birdlife Conservation (ABC) a pone e prome burrows artificial na Tierra del Sol, 8 di December 2024 a inaugura e prome Shoco Sanctuary na Tiera del Sol hunto cu Gobernador di Aruba S.E. Alfonso Boekhoudt y chief sustainability officer/owner di Iberostar Group Gloria Fluxá.
Aruba Birdlife Conservation ta creando e framework pa un National Shoco Conservation Plan; esaki ta rekeri ayudo di ful e comunidad. Diasabra ultimo a firma un MoU entre otro hotelnan y ABC pa hunto cuminsa crea green corridors of mini-hubs unda e Shoco por biba.
Asina aki diadomingo ultimo e prome hub pa shoco a bira un realidad na hotel JOIA na Eagle beach, unda a firma e agreement formal entre ABC y hotel JOIA
Durante e ultimo fase di construccion di hotel JOIA november ultimo prome cu a habri su porta nan un shoco a traha su neishi net bandi di e edificio. Aki ABC a indica cu e area aki ta perfecto pa e prome green corridor of mini-hub. Cu cooperacion di JOIA a para construccion completo pa algun siman pa asina por a proteha e neishi. Esaki tabata e comienso di e idea y construccion di area proteha, cu awe Shoco Boulevard.
“Mi ta contento di mira con un corporacion den deliberacion cu diferente stakeholdernan local pa conserva loke ta di nos, ta yega na otro asina hunto pa crea espacio riba nan tereno pa nos flora y fauna por biba y florece. Sigur un iniciativa hopi bunita y importante pa sostenibilidad.” Minister Geoffrey a comenta.
Minister Wever ta duna danki na Sr. Peterson y ABC pa e tremendo iniciativa aki como tambe na gerente di JOIA Aruba pa tambe forma parti di esaki. Pronto lo bai mira mas di e green corridors of mini-hubs artificial nan aki rond di Aruba pa asina duna nos flora y fauna e espacio pa sigui florece mei mei di nos hotel nan.
