PARLAMENTARIO EVELYN WEVER-CROES TA FELICITA E COMUNIDAD DI BONEIRO RIBA DIA DI RINCON
“Aruba y Boneiro ta islanan ruman y nos ta y lo keda semper uni den historia y cultura di nos pais”
ORANJESTAD – 30 di April ta un fecha hopi special pa nos rumannan di Boneiro mirando cu riba e dia aki nan ta celebra Dia di Rincon. E aña aki ta di 36 aña cu Boneiro ta celebra Dia di Rincon, na unda e comunidad completo ta bini hunto pa celebra nan cultura, historia y tradicionnan. E dia aki ta inicia cu un actividad na unda ta hisa e bandera na Rincon sigui pa varios actividadnan y un parada cultural.
Parlamentario Evelyn Wever-Croes ta manda palabra di felicitacion na e comunidad completo di Boneiro pa cu e dia aki y ta spera cu nan goza di e dia aki den grandi, dunando asina mas forsa y union na henter e comunidad. Aruba y Boneiro ta islanan ruman y nos ta y lo keda semper uni den historia y cultura di nos pais. Masha pabien riba boso dia.
