Minister Geoffrey Wever: Delegacion di Moody’s na Aruba pa evalua rating financiero
Oranjestad, 29 di april 2025 –Minister di Finansa, Economia y Sector Primario, Geoffrey Wever, a reuni cu un di e tres agencia principal di rating internacional: Moody’s. Durante su bishita na Washington D.C., minister Wever a reuni cu Moody’s, entre otro instancianan tambe.
Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
Un rating ta directamente afecta e disponibilidad pa financiamento, pero tambe e ta determina e porcentahe di e fiansa. Mas abou e rating, ta nifica mas riesgo perscibi, cual ta nifica e tasa di interes (%) lo ta mas halto (pa acomoda pa e riesgo adicional), y pues un gasto di interes mas halto pa pais. Rating tambe ta importante pa inversionistanan cu ta busca pa inverti den sector priva. P’esey pa Aruba e bishita aki ta fundamental.
Kico ta Aruba su rating actual?
Actualmente, Aruba tin un ‘investment grade rating’ di Moody’s: Baa3 cu un outlook stabiel. Ta spera actualisacion di rating den e proximo luna.
E hecho cu Aruba ta mantene investment grade ta refleha un nivel di confianza den maneho fiscal y stabilidad economico di nos pais. Un bon relacion den Reino tambe ta un factor importante pa e agencianan di rating y ta premira di ta un topico principal den e reunionnan binidero.
Objectivo di e reunionnan
Representantenan di Moody’s lo ta na Aruba pa dos dia y banda cu ta reunie cu Minister Wever tambe cu reuni cu diferente instancia manera Departamento di Finansa, Centrale Bank, CAFT, APFA, ABA, VNO y ATA.
Minister Wever a enfatiza importancia di dialogo continuo entre e stakeholder y cu e agencianan di rating. E mandatario ta gradici e representantenan di Moody’s pa nan bishita como tambe tur stakeholders pa a traha tempo pa asina duna nan input na un tema asina importante manera nos finansa publico.
