Director di Aruba Bank y CEO di Orco Bank ta kibra auto den cura di cas

Dialuna manese diamars ultimo den cardea di 1:30 di marduga, bisiñanan na Turibana a spierta pa motibo di un desordo grandi cu despues a resulta di ta un accidente fuerte unda un Ford Explorer cu number di auto A-63292 a drenta un cura di cas y a laga masha hopi daño material atras. E chauffer practicamente no por a para riba su pianan y tawata mustra hopi nervioso pa cual a haci e situacion mas tenso pa esnan di cuerpo policial cu mester a atende e accidente aki. E chauffer completamente bao influencia a resulta di ta e cabayero di nacionalidad hulandes P.H.N. Staal, actual director di Aruba Bank y CEO di Orco Bank. Mirando e impacto di e auto riba e cura y mirando e condicion den cual e conductor tawata encontra su mes, bisiñanan atento a jama ambulaans cu a yega na e sitio pero e chaufer no kier a tende di bai hospital pa tratamento medico. Considerando e nivel di alcohol cu e persona aki tawata tin den su sistema, a conduci na e hecho cu polis a transporta e chauffer pa warda di polis unda e por a baha su haltura y evita mas desgracia pa su mes y pa otronan. Cu takelwagen a hiba e auto cu basta daño matetial for di e sitio di e accidente.

potret y videonan nos a haña den nos inbox

press@boinformado.tv