Pa sostene Fundacion Herencia Historico di Aruba
Aruba Bank a patrocina documentario di cas di torto
Oranjestad, 31 di maart 2022 โ Aruba Bank a atende e presentacion di e documentario di cas di torto, organisa y presenta pa Fundacion Herencia Historico di Aruba, den cuadro di Aruba Bank su sosten na e fundacion pa yuda salvaguardia Aruba su herencia y historia.
Cu hopi orguyo e banco pionero di Aruba a uni cu FHHA pa yuda nan yega na nan meta pa tene bibo e historia y cultura Arubano door di a prepara un proyecto pa documenta diferente aspecto di cas di torto, entre otro, su historia, e forma di trahe, y e planeamento di un cas di torto, pa
asina comparti e informacion y conocemento cu e poblacion Arubano y e futuro generacionnan. Cu e proyecto aki, kier a laga e poblacion mira con ta construi un cas di torto y e balor di un cas di torto pa un famia.
Segun Managing Director di Aruba Bank, Sra. Sharon Frรคnkel-deCuba “Nos ta contento di por a yuda FHHA realisa e documentario di cas di torto, pa contribui na promocion di nos herencia cultural y pa yuda salvaguardia nos historia pa futuro generacionnan”.
