Parlamentario Shailiny Tromp-Lee (MEP) a extende invitacion na Minister Endy Croes pa bin cada 2 luna den Comision Fiho di Enseñansa pa mantene Parlamento informa

Durante tratamento di Presupuesto di Pais Aruba pa 2022, pa loke ta trata enseñansa, nos por a scucha cuanto proyecto lo ta andando simultaneamente. Diferente proyecto cu ta encera entre otro leynan di enseñansa, Project Integraal Taalbeleid, plan di contingencia, doorlichtingsrapport etc. Pesey mes como Presidente di Comision Fiho di Enseñansa mi a pidi Minister pa mantene e comision aki altanto di e desaroyo di tur e proyecto y procesonan y mi a extende di biaha un invitacion pa e bin y mantene nos comision informa cada 2 luna di e desaroyonan aki.

Proyecto di ley y sistema di registracion

Den e contestacion ricibi riba mi preguntanan mi por a tuma nota cu tin obstaculonan pa realisa supervision y inspeccion pasobra na e momentonan aki tin falta di entre otro, un digitale data registratie en verwerkingssysteem, nos leynan ta bieu/anticua y nos falta di un Wet op Toezicht. Pa loke ta trata e obstaculonan aki Minister a indica den e contestacionnan di ta ateniendo cu nan caba. Ya a inicia cu e trayecto di modernisacion y actualisacion di nos leynan di enseñansa cu aki 20 luna lo ta finalisa y cu lo atende cu 2 di e obstaculunan. Pa loke trata e sistema necesario, esaki tambe ya caba ta den proceso y mescos cu esun di ley ta forma parti tambe di e prioridadnan cu a keda señala den e doorlichtingsrapport. E proyectonan aki ta keda financia for di nos propio presupuesto.

Project Integraal Taalbeleid

Otro aspecto hopi importante y cu tambe a keda menciona como un punto di prioridad ta cu mester stipula un maneho integral di idioma. Minister a informa cu a institui un comision bou coordinacion di Directie Onderwijs cu pa december proximo mester a duna un conseho pa un decision por keda tuma finalmente.

Introduccion SAM

Segun planning e scolnan tin te cu 2028 pa implementa esaki. Minister a duna un splicacion corto al respecto caminda el a elabora riba e proceso, riba lesmateriaal y formacion di nos maestronan.

Plan di contigencia

E plan di contigencia lo bay keda introduci den fase pa asina logra formacion di nos maestronan pa loke ta trata digitale skills y otro didactische vaardigheden. Algo cu e pandemia sigur a enfatisa cu nos mester pone prioridad na nan.

Esakinan ta algun di e proyectonan cu simultaniamente lo ta  tumando lugar y cu sigur ta rekeri pa Parlamento ta keda manteni na altura di nan desaroyo.