A huramenta 6 miembro nobo pa Delta Leo Club
Recientemente Delta Aruba Leo Club, den presencia di miembronan existente y tambe miembronan di nan club patrosinador, Aruba One Happy Island Lions Club, a huramentoย 6 hoben como miembro nobo.
E 6 hobenan aki ta:
– Jainayro George
– Isabella Diaz
– Zugeska Arendsz
– Elena Otaรฑez
– Mary-Jane Ras
– Nordin Tromp
Acto di huramentacion a wordo haci door di Leo President Ronan van Putten y Past District Governor Fl. Lion Doris Lacle-Eugenio cu asistencia di Presidente di Aruba One Happy Island Lions Club, Lion Eugene Dubero y Leo Advisor, Lion Carla Martinus.
Leo Club ta un programa oficial di Lions Club International unda hobenan ta haya e oportunidad di haya experiencia door di organiza servicionan comunitario pa esnan di mas necesidad den nos comunidad, asina creando lidernan pa futuro. Sigui e facebook page Leo Club Delta Aruba pa tur informacion di actividadnan di servicio cu ta wordo organiza frecuentemente.
1Directiva & miembrecia di Delta Aruba Leo Club & Aruba One Happy Island Lions Club kier a desea tur 6 hoben un cordial Bon Bini y kier desea nan hopi exito den nan futuro Leoistico.
