GOBIERNO DI ARUBA A UNI HUNTO CU SITA Y UN AEROLINEA GRANDI DI MERCA PA ASINA COORDINA E SISTEMA DI INFORMACION PA TURISTANAN CU TA VIAHA DI CANADA Y MERCA PA ARUBA
ORANJESTAD โ Ariba 15 di December, Ministerio di Turismo y Salud Pulico a reuni cu SITA, un aerolinea grandi di Merca y tambe cu Aruba Health App unda nan a bin na un acuerdo pa un colaboracion nobo. Nan lo ta pionero nan den un proyecto nobo di sistema di informacion pa asisti laboratorionan na Canada y Merca, aerolineanan y Aruba, pa asina hunto nan facilita viahamento. E colaboracion lo simplifica e verificacion aprobacion di test di Covid19 pa tur pasahero. Tur hende ta buskando pa viaha na mes manera bek prome cu e pandemia, na un manera simpel.
SITA ta un compania multinacional di technologia di informacion cu ta duna servicio di IT y telecomunicacion na e industria aereo. E compania ta duna servicio na mas o menos 400 miembro y 2,800 cliente rond mundo. Nan ta atende un 90% di e mundo di aviacion.
SITA lo asisti pa informacion bai di laboratorionan di Canada y Merca directo pa e aerolineanan, y pa ultimo jega pa Departamento di Salud Publico na Aruba. SITA ta trahando hunto awor cu e autoridad di salud di estado di New York pa por haรฑa resultado di PCR test y tambe credencialnan di e vacuna. E beneficio ta cu e autoridad di salud ta verifica tur informacion pa e informacion aki ta certifica. Awor Aruba su autoridad di salud tin acceso na informacion cu ta verifica caba, dunando asina un confianza den e datos cu ta ricibi di tur bishitante.
Pasaheronan di Canada y Merca cu ta plania pa viaha pa Aruba, por tuma nan PCR test prome cu nan vuelo. E resultado lo bai di e laboratorio directo pa e aerolinea. E pasahero lo ricibi su ok pa viaha y inmediatamente Departamento di Salud Publico na Aruba lo ricibi un ok cu e pasahero ta aproba pa drenta Aruba. E proceso aki cu ta pre-clear e pasahero pa drenta Aruba prome cu e viaha ta elemina e necesidad pa tin documento nan di papel cu e persona. E proceso aki ta possibel awor door di SITA.
E test di Covid19 y tambe e proceso di verificacion, si e pasahero ta vacuna of no, por tuma hopi tempo na entrada di Aruba. Aruba ta masha orguyoso di ta trahando hunto cu Aruba Health Application, SITA y e aerolinea grandi aki cu tin como meta pa haci e viahe di e turista for di Canada y Merca uno mas placentero.
โEsaki ta un temporada importante pa Aruba unda nos ta jama Bon Bini na viaheronan cu ta bishitando nos isla pa prome biaha, pero tambe na esnan cu ta regresaโ, segun Minister Dangui Oduber. โCu e apoyo di SITA, Aruba lo por ricibi turista nan man habri y na mes momento sigurando e seguridad di nos hendenan y tambe reduci e contagio di Covid19.โ
