Minister Endy Croes no ta comprende cu tin continuidad di gobernacion

Scirbi pa: Rudy Lampe, ex minister di Educacion, partido Red Democratico

Riba Diahuebs Santo minister Endy Croes ta haya ta bon pa no bisa full e berdad en cuanto scol St. Aloysius y mita berdad tambe ta un mentira. E berdad tras di e renovacion di scol St. Aloysius ta lo siguiente. No mucho tempo atras prome cu mi a bira minister di educacion e dak di St. Aloysius a wordo renova pa un balente suma di placa y toch e prome noticia cu mi a haya como minister ta cu e dak ta lek, plafon a bin abao, muraya na werki, etc. Nos a evacua e scol na un edificio temporario pa por cuminza cu e trabaonan. E conseho final cu a bin ta mihor “slopen linkervleugel” pa evita cu den poco tempo ta den mesun situacion. SKOA a nenga pa bai over na slopen ya cu kier mantene e estilo monumental y e tereno ta propiedad di Bisdom Willemstad. Nos a duna nos palabra cu na Colegio San Hose na Sta. Cruz nos ta hasi e trabao di slopen di un vleugel y construi esaki bek cu sistema modular, cu ta mas economico,den e mesun forma monumental y despues cu Skoa wak e trabao por duna nos ok pa sigui na Noord. Tur hende cu bishita awe Colegio San Hose no ta ripara e diferencia entre e dos vleugel di e scol. Mi a reserva 3 miyon florin riba presupuesto pa hasi mescos na St. Aloysius, ami convenci cu Skoa lo no nenga despues cu nan por a wak cu nan mesun wowo con bunita Colegio San Hose a keda. Entre parentesis, mi no a wordo invita dor di Skoa pa ta presente na e reapertura di Colegio San Hose siendo cu ta mi ministerio a prepara y ehecuta hunto cu DOW, e tempo ey bao di ex minister Otmar Oduber, full e proyecto, y solamente Minister President a wordo invita.

Pa mi sorpresa Skoa a bolbe nenga pa reconstrui St. Aloysius, siendo cu un budget di 3 miyon a keda aloca pa esei, pasobra Skoa no ta di acuerdo cu slopen. E ora mi a hasi un ultimo proposicion na Skoa, pa honra nan deseo, y fin di mei 2021 mi a scirbi Skoa e siguiente carta: “U heeft in verschillende documenten en gesprekken aangegeven dat u de voorkeur heeft om het gebouw van de Sint Aloysius basisschool te Noord niet te slopen, maar te renoveren. Ik heb de Dienst Uitvoering Onderwijssubsidies (DUOS) verzocht om de mogelijkheid van een eenmalige uitkering in het begrotingsjaar 2021 te onderzoeken. U draagt dan zelf zorg voor de renovatie van het gebouw om zo het besluitvormingsproces te bespoedigen. Binnen de huidige ramingen kan deze uitkering maximaal AWG. 1.000.000,- bedragen. In het begrotingsjaar 2022 kan eventueel een additioneel bedrag worden gereserveerd. Ik verzoek u om zo spoedig mogelijk uw raming door tussenkomst van de DUOS aan mij te doen toekomen.”

Skoa no a contesta mes. Na mei 2021 e di dos sentencia di huez a cai cu Skoa ta actua contra ley pa loke ta e trahadornan di limpieza, e prome sentencia tabata na april 2020 cu tambe a condena Skoa. Y for di 2020 Skoa a nenga di reuni cu mi siendo minister di educacion pasobra mi no tabata dispuesto pa tapa nan ilegalidad, y solamente Skoa kier a reuni cu nos prome minister cu si tabata dispuesto pa tapa nan ilegalidad. Asina mes nos a hasi preparacionnan di presupuesto 2022 pa aloca suma extra pa Skoa.

Mi ta contento cu por fin Skoa a duna su acuerdo. E proyecto aki di duna Skoa un eenmalige uitkering pa e mes renova St. Aloysius ta data di mei 2021 y e proyecto cu bao guia di DOW lo a hasi e renovacion/slopen di St. Aloysius lo por a keda cla hopi tempo caba, si tabata tin cooperacion di Skoa. Esei no ta kita cu mi ta contento cu Skoa a acepta awor pa realiza e plan di mei 2021. Beter laat dan nooit y esaki ta continuidad di gobernacion, aunke pa plaka di pueblo e ta duel mi cu e tardanza innecesario tin un prijskaartje (hopi luna di huurprijs por a evita).

Continuidad di gobierno ta tambe e renovacion di scol basico y preparatorio di Washington. E proyecto aki a keda full cla pa ehecuta bao di mi ministerio. Un proyecto riba 1 miyon florin, cu ta inclui renova full e dak, ta exigi hopi tempo di preparacion, plan van aanpak, bestek, openbare aanbesteding, gunning y tur esei bao guia di Directie Onderwijs y di DOW, y nos a aloca presupuesto pa su ehecucion. Den mi overdrachtsdoument na minister Endy Croes mi ta menciona cu ta un proyecto full cla pa ehecuta. Awor e ta bai bira realidad y ta bon noticia pa nos alumnonan, mayornan y docentenan.