UNANIMAMENTE PARLAMENTO A APROBA PRESUPUESTO DI RAAD VAN ADVIES
Despues cu Parlamento a aproba Presupuesto di Pais Aruba, a keda ainda algun presupuesto chikito pa aproba. Diahuebs a trata e presupuesto di Raad van Advies pa 2022. Raad van Advies ta e organo cu ta duna conseho na Gobierno riba tur ley y cada ley cu wordo trata na Parlamento ta bin cu e conseho di Raad van Advies.
Apesar di retonan financiero, pa Gobierno di Aruba ta importante pa Raad van Advies tin su presupuesto aproba pa asina nan por opera dentro di e cuadro aproba.
โLamentablemente, tur gasto a wordo corta e aรฑa aki, sperando cu pa otro aรฑa Raad van Advies por sigui expande e trabounan di estudio y investigacionnan entre otro. Raad van Advies ta un organo hopi importante pa Gabinete Wever-Croes II y mi ta contento cu Parlamento unanimamente a aproba e presupuesto di Raad van Adviesโ, Prome Minister Evelyn Wever-Croes a expresa.
