Atraco team a detene e dama Miriam Koolman pa denuncia falso ariba atraco cometi na Gran suerte lotery situa na paradera.

ORANJESTAD, Aruba

Tawata 25 februari 2022 den oranan di anochi central di polis ta wordo notifica di un atraco cu lo mester a tuma lugar na Gran Suerte cu ta un lugar di loteria situa na Paradera.
Central di polis ta despacha diferente patruya pa e sitio menciona.
Na yegada di e prome patruya ta bin topa cu un señora benta abao. E señora ta conta cu un rato prome dos hende lo mester a spray e cu pepper- spray den su cara y a bay cu e tas di plaka.
Hasta coleganan di ambulance mester a presenta na e sitio pa atende cu e señora .
Awe Atraco Team ariba orden di Ministerio Publico a detene e mesun señora aki di inicialnan:
Miriam Koolman naci na Aruba di 54 aña
pa a haci un denuncia falso.
E sospechoso a wordo hiba dilanti un sub fiscal pendiente di mas investigacion.