SARAH-QUITA OFFRINGA A RICIBI RECONOCEMENTO BALUARTE DI DEPORTE

ORANJESTAD: Dia 29 di december Minister Endy Croes a ricibi bishita di e 19 bes campeon mundial di windsurfing Sarah-Quita Offringa. Den aña 2021 e reina mundial di windsurfing a logra dos titulo mundial den ‘Freestyle’ y ‘Slalom’. Un hoben cu sigur a demostra cu disciplina y determinacion bo ta logra cosnan grandi.
Durante e reunion ameno e mandatardio di deporte a presenta e reconocemento Baluarte di Deporte na Sarah -Quita y a gradici’e pa su dedicacion, pasion y aporte den deporte di windsurfing y cu pone Aruba su nomber briya y resona internacionalmente. Danki Sarah –Quita, Aruba ta orguyoso di bo!