Politikonan ta duna speransa falsu na pueblo komo preparashon pa elekshon?

KRALENDIJK, Bonaire

E protesta di 5 mei ultimo a kaba ku e lidernan-di-protesta dunando un manifesto na e mesun lidernan politiko, ku no tin poder desde 10-10-10 I ku a bai di akuerdo pa pone e pueblo Boneriano den Konstitushon Hulandes na 2017 sin derecho igual I ku te mesunan ku ta manteniendo e pueblo den e status kolonial aki. Ku esaki no ta manipulashon di e pueblo, ta kiko lo ta?

NKBB su atvertensia publiko direkto, ku e inisiativa di suidadanonan di protesta a wordu sekuestra dor di mesun lidernan politiko tradishonal a hasi un impakto nashonal I konsientisa e pueblo Boneriano ku a bira masha kauteloso.

Ta hopi tristu pa mira tur e lidernan politiko di ,UPB, MPB, DP I independiente ets ku kara tur na smail risibi e manifesto. Hipokresia di marka mayo ya ku ta nan mes a bai di akuerdo ku Hulanda pa ankra e pueblo Boneriano kontra di nan deseo den Konstitiushon Hulandes sin derecho igual:- esaki ta e hechosnan:

-Elvis SjinAsjoe MPB- “no por kome outonomia” – tabata un di e lidernan prinsipal kontra pueblo Boneriano su derecho di outodeterminashon ku a perde mahos ku su partido su kampanja pa Si den referendum 2015 I no ta respeta e rechazo di 66% di pueblo Boneriano votonan No- e a lidera e koalishon na 2017 pa duna Hulanda lus-berde pa ankra Bonaire den Konstitushon Hulandes sin derecho igual

-Daisy Coffie MPB awor M21? – tambe ta kontra e pueblo Boneriano, komo perdedo di nan kampanja Si na december 2015 referendum I Coffie a vota pro den konseho insular na 2017 pa duna Hulanda kaminda liber pa ankra pueblo Boneriano den Konstitushon Hulandes sin derecho igual- I ta kontra e 66% rechazo No I deseo di e pueblo Boneriano

-Clark Abraham DP- komo lider politiko a kibra ku su mes partido I traishona e pueblo pa forma koalishon ku MPB na 2017, pa un posisihon temporal komo deputado, I a bai di akuerdo huntu ku SjinAsjoe, Coffie, Raphaela, Vrolijk I Statie pa duna Hulanda lus-berde pa ankra e pueblo Boneriano pa eternidat den Konstitushon Hulandes sin derecho igual.

-Nina Den Heyer- deputado ku publikamente na varios okashon a proklama ku “bo no por kome outonomia” I despues kontinuamente ta reklama ku e no por hasi nada pa e pueblo pasobra ta Hulanda ta disidi- kon hypokrita pa papia di no-deskriminashon I igualdat si abo ta e lider ku ta negando e pueblo Boneriano su derechonan ku “bo no por kome outonomia’? Tur e politikonan aki papiando riba derecho igual ets I ta nan mes ta esnan responsabel ku a hinka e pueblo Boneriano den esaki?

E mesun politikonan tradishonal ku multiple rol komo lider sindikal, presentado den media, konsehero ets tabata dilanti hasiendo yamada riba e mesun hendenan ku nan a enganja den lastu protesta di penshon I awor a wordu forsa pa bai den varios media pa purba distansia nan mes di bisa ku no ta politika. Altamente kontradiktorio pasobra ku kasi tur lidernan politiko preparando pa elekshon benidero a wordu mobilisa pa purba hanja algun di nan siguidonan fanatiko I loyal pa partisipa den e manifestashon ku di ningun manera no jega na nivel di esun di manifestashon di penshon. I na final a resulta den un kampanja di speechnan politiko.

Ku aserkamentu di e elekshonan di 2023, nos tin ku atverti e pueblo Boneriano ku e partidonan I lidernan politiko pro-Hulanda I otro oportunistanan aki ku e mesun narativo di e plan Hulandes nobo aki di no-deskriminashon I derecho igual kaminda ku Den Haag ta keda disidi. Derecho igual I no-deskriminashon ta kuminsa ku demokrasia real I poder pa disidi riba bo isla. E lidernan politiko, uniko kos ku nan mester ta voto I un trabao I awor a kuminsa usa derecho igual pa gara e votonan di Hulandesnan ku ta keda invadi Bonaire ku derecho di vota I komo ku e Bonerianonan a bira minoria kaba I inevitablemente lo disparse den e decadanan benidero I nan votonan lo no ta nesesario den futuro.

NKBB ta reta tur e lidernan politiko, ku no tin poder pasobra ta Den Haag ta disidi, I ku ta nenga di sinja di nos historia kolonial pero pa kabesura ta kontinua e mesun politika tradishonal establese pa Den Haag ku a destrui Antias I ku a dividi e pueblo Boneriano na luga di solushon na nivel internashonal di nashonan uni, un alternativa pa unifika den nos trajektorio pa pone Bonaire riba lista di Teritorionan-Sin-Propio-Gobernashon di Nashonan Uni.

Algun prinsipal bentaha ora inkluí Boneiru den e lista TSPG di NU:

1- Hulanda mester informá kada aña na Asamblea General di NU tokante e avansenan ekonómiko,

sosial, polítiko, edukativo y kultural di Boneiru.

2- Institushonnan i finansiamentu di NU lo yega direktamente pa Bonaire: supervishon di NU di tur

aktividat ku ta kondusí na gobernashon propio di Boneiru.

3- E pueblo, kultura i identidat di Boneiru lo haña protekshon di e invashon hulandes, konforme

artíkulo 73 di e Karta Magna di NU.