Aruba Bank a contribui na Fundacion Muchila Creativo

ORANJESTAD, Aruba

Aruba Bank a contribui na Fundacion Muchila Creativo su siman di conscientisacion.

Na aña 2020, e Fundacion a expande nan servicionan door di añadi un scol di arte secundario pa e grupo di hobennan special. Cu esaki den mente a organisa e siman di conscientisacion cu ta bai enfoca riba e tema di “Arte”: Transformacion y Inclusion den Comunidad’ cu e meta pa conscientisa con arte ta transforma bida di cada un di nos.

E siman di conscientisacion a conta cu diferente actividad caminda tur persona di tur edad por participa caminda cu nan tabata desea. A termina e campa؜ña cu un feria, expo y open house pa mustra cu arte tin e habilidad pa transforma, ilumina, educa, inspira y motiva.

Pabien na e organisadornan di e tremendo campaña di siman di conscientisacion.