EDUCAMPUS ARUBA CU UN DIA DI EXPERIENCIA DEN ARTE NA CAS DI CULTURA

ORANJESTAD, Aruba

Educampus Aruba tin e grato placer di invita henter comunidad pa bini y mira e resultado final di nos muchanan den area di arte plastico. Durante henter un aña, bao guia di e artista Natusha Croes, e muchanan a ser instrui pa crea diferente pintura, dibuho, instalacion cu ta expresa nan mundo imaginativo.

Esaki den yuda nan desaroya nan facultadnan creativo & innovativo. Pa un dia so henter pueblo lo por bin disfruta di diferente obra di arte cu lo ta na benta tambe p’asina recauda fondo pa por sigui desaroya e Facultad di Arte den crecimiento.

Diaranzon 1 di juni 2022 lo ta un dia caminda creatividad y arte lo ta bibo. Y for 11or AM pa 2or PM lo tin un tour, guia door di e muchanan mes. Di 4or pm pa 7or pm lo tin musica, un photobooth divertido pa un & tur por conmemora y saca potret cu e obranan crea. Tambe lo tin bebida & snacks, keda invita pa bini apoya & disfruta di un atardi ameno na galeria di Cas Di Cultura. Entrada ta completamente gratis.