Minister Rocco Tjon ta orguyoso riba e siguiente projecto di expedicion pa luna cu Dr. Edward Cheung lo haci

Ayera nos tabata tin e placer di por dialoga cu Dr. Edward Cheung, un figura prominente den nos comunidad, cu sigur a pone Aruba riba mapa internacional academico.

Nos a combersa riba un proyecto cu sigur ta algo cu nos tur por ta orguyoso di dje. Durante e siguiente expedicion pa luna, a colecta santo blanco di Aruba su playanan pa esaki por forma parti di e obheto cu pa semper lo keda riba e superficie. Asina aki, nos por bisa, Aruba ta riba luna.

E deseo di Dr. Cheung, ta pa cada mucha y hoben na Aruba, sa cu e distancia entre nos isla, nos mundo y e espacio ta mas cortico cu nunca, danki na tecnologianan moderno, y e soño di un yiu di tera.
Dr. Cheung kier inspira cada mucha y hoben, y mustranan cu si nan ta desea di sigui den su pasonan, e lo ta na NASA ta warda riba nan.