ECNOLOGIA DIGITAL PA MAYORNAN ADULTO Y ENVEHECIMENTO SALUDABEL

Dia Mundial di Telecomunicacion y di e Sociedad di Informacion tin como obhetivo concientizacion riba e posibilidadnan cu e uso di Internet y otro tecnologia di informacion y comunicacion (ICTs) por ofrece sociedadnan y economia y tambe pa promove inclusion digital.

Desde 1969 ta celebra Dia Mundial di Telecomunicacion riba 17 di mei pa marca e creacion di International Telecommunication Union y pa conmemora e firmamento di e promer Convenio Telegrafico Internacional na 1865.

Na november 2005, e Cumbre Mundial riba Sociedad di Informacion (WSIS- World Summit on the Information Society) a pidi Asamblea General di Naciones Uni pa declara 17 di mei como Día Mundial di Sociedad di Informacion pa yama e atencion riba e importancia di tecnologianan di informacion y comunicacion (ICTs) y e numeroso temanan relaciona cu e sociedad di informacion plantea pa WSIS.

E Asamblea General na maart di 2006 a adopta un Resolucion stipulando cu Dia Mundial di Sociedad di Informacion lo ser conmemora riba 17 mei..

Na november di 2006, den un conferencia di ITU na Turkia a dicidi pa combina e dos celebracion den un solo Dia Mundial di Telecomunicacion y di Sociedad di Informacion riba 17 di mei.

 

Tecnologia digital pa adultonan mayor y un envehecimento saludabel

Como tema pa 2022 a skohe “Digital Technologies for Older Persons and Healthy Ageing, esta “Tecnologia Digital pa Adultonan Mayor y Envehecimento Saludabel”

E tendencia demografico cu lo defini e siglo XXI lo ta e envehecimento di e poblacion mundial, sin embargo sociedadnan rond mundo ta buscando ainda pa determina kico e oportunidadnan lo ta cu tal desaroyo por trece den futuro.

Telecomunicacion y tecnologianan di informacion (ICTs) lo hunga un papel importante den e envehecimento saludabel y, ademas, lo yuda pa construi ciudadnan mas inteligente, pa combati discriminacion pa motivo di edad na trabou, pa garantiza inclusion financiero di hende di mayor edad y presta servicio di asistencia pa miyones di proveedornan di cuido den henter mundo.

 

E tema di e aña aki tin como meta pa crea concientisacion riba e papel importante cu ICTs ta hunga den yuda hende mantene nan mes sano, conecta, y pa ta independiente tanto fisico, como emocional y financieramente..

Apoyo pa un bida saludabel durante e proceso di envehecimento tambe ta fundamental pa e sostenibilidad di sistemanan economico y salud.

 

Naciones Uni a lanza su Decada di Envehecimento Saludabel na 2020, y basa ariba esaki un programa special a ser lanza na e WSIS Forum 2020, yama “ICTs and Older Persons”.

E rapport “Ageing in a digital world- from vulnerable to valuable” di ITU Publications ta trata di yuda paisnan miembro di ITU y otro stakeholders pa compronde e oportunidadnan digital y haci bon uso di posibilidadnan nobo pa crecemento economico, social y politico mediante un creciente inclusion digital y entornonan digital ameno pa esnan di edad. E ta resalta tendencianan, ta identifica bon practiica y posibel solucionan, y alabes ta presenta normanan pa aprobrecha e contribucionan valioso di generacionan di mas edad, reduci nan vulnerabilidad y promove desaroyo socio-economico pa logra sociedadnan mas inclusivo y rico. E documento ta enfoca riba e papel cu ICTs por desplega pa asegura cu den comunidadnan digital inclusivo adultonan mayor ta participa plenamente.

 

Den e rapport ta menciona

• Tecnologianan nobo y usabilidad
• Bienestar financiero
• Educacion y lifelong learning
• Empleo y compromisonan di trabou
• Estilonan di bida saludabel, bienestar y bida independiente
• Cuido medico y prestacion di servicionan medico

 

Di e tecnologianan nobo por menciona

• telemedicina y telesalud: suministro di servicionan di consulta, diagnostico, sesionan di intervencion psychosocial, terapeutico of receta pa medicina
• ambient assisted living, assistive technologies: tecnologianan pa mehora e calidad di bida y pa duna e posibilidad pa un bida sigur y proceso di envehecimento na cas
• wearable and sensor technologies: tecnologianan pa preveni y detecta caida di personan di edad, monitoreo fisico di esnan cu dementia of Alzheimers, maleza cronico y condicion fisico
• intelligent, interactive personal assistants, technologianan basa riba intelligencia artificial of robotica pa monitorea, vigila y interactua cu persona pa garantiza protocol medico of cuido preventivo ser ehecuta
• intelligencia artificial y deep learning, cual tecnologianan ta ser utiliza pa investiga causanan di enfermedadnan y condiconan medico tipico di e proceso di envehecimento y indica posibel deteccion di simptomanan di enfermedadnan den un estado trempan, of pa hasta indica posibel tratamento of diseño molecular di medicina nobo

Ta importante pa realiza cu Tecnologianan Digital pa Adultonan Mayor y Envehecimento Saludabel ta yuda pa cumpli cu e Objetivonan di Desaroyo Sostenibel (Sustainable Development Goals) 3, esta Bon Salud y Bienestar, y 10, esta Reduccion di Desigualdadnan.