Qredits Aruba den colaboracion cu ministerio di Asuntonan Economico, Comunicacion y Desaroyo Sostenibel ta anuncia e “Kick Off” di e “BeYourOwnBoss” Summer course!
ORANJESTAD, Aruba
Un total di 41 participante a cuminsa cu e “BeYourOwnBoss” summer course 2022, unda cu Minister Geoffrey Wever tabata presente pa welcome e cursistanan na EPB San Nicolas. En total tabata tin 94 registracion unda cu ambos localidad a yena completo te nan maximo cupo. E programa “BeYourOwnBoss” ta un curso cu e meta pa educa y prepara e cursistanan pa ta un empresario exitoso den futuro. Den pasado mas di 200 persona a finaliza e curso existosamente y a ricibi nan certificacion.
E curso aki lo ofrece e cursistanan mas conocimento di e mercadeo, con pa skirbi un plan di negoshi y plan financiero y tur e rekisitonan cu ta necesario y importante ora di habri un negoshi.
E curso a cuminsa dia 7 di juni y lo termina dia 28 di juli. Lesnan lo wordo duna riba diamars y diahuebs di 6:30 pa 9:00 di anochi y lo wordo ehecuta na Colegio EPI y na EPB San Nicolas. E materia lo wordo duna door di docentenan Mr. Jeandré Hessen y Ms. Twyma Van der Biezen.
Keda pendiente riba Qredits Aruba su Facebook page, como cu tambe lo tin un “BeYourOwnBoss” Fall course durante e aña aki!
beyourownboss #futureentrepreneurs
