๐“๐ฎ๐ซ๐ข๐ฌ๐ฆ๐จ ๐œ๐ซ๐ž๐œ๐ข๐ž๐ง๐๐จ ๐ฒ ๐ซ๐ž๐œ๐ฎ๐ฉ๐ž๐ซ๐š๐ง๐๐จ! ๐‹๐ฎ๐ง๐š ๐๐ข ๐ฆ๐ž๐ข ๐Ÿ๐ŸŽ๐Ÿ๐Ÿ ๐š ๐ฌ๐ฎ๐ซ๐ฉ๐š๐ฌ๐š ๐œ๐ข๐Ÿ๐ซ๐š๐ง๐š๐ง ๐๐ข ๐ฆ๐ž๐ข ๐Ÿ๐ŸŽ๐Ÿ๐Ÿ—

ORANJESTAD, Aruba

Minister di Turismo y Salud Publico sr. Dangui Oduber ta informa riba locual ta e cifranan di turismo pa cu e luna di mei 2022. Mei tawata e luna cu Soul Beach Festival a tuma lugar y esaki sigur a trece un impacto positivo den Aruba su turismo. Nos turismo ta sigui crece y recupera, semper despues di un temporario dificil ta sigui mihor temponan, e mandatario ta menciona.

Advertisements

Turismo den luna di mei 2022 ta sigui crece y ta sigui registra cifranan cu ta surpasa cifranan di mei 2019. Mescos tawata e caso den luna di april 2022 cu Aruba a surpasa nivelnan di april 2019, den luna di mei 2022 e trend aki a continua.

Minister Oduber a sigui bisa cu den luna di mei 2022 a registra un recuperacion di 103% den comparacion cu mei 2019. Nos mercado mas principal cu ta e mercado Americano a recupera 107% den mei 2022 compara cu mei 2019 asina tambe surpasando e cifranan di 2019. Mei 2022 Aruba a ricibi 91.403 turista cual ta excepcional. Aruba ta e di 2 pais na mundo cu a recupera su turismo di e forma aki. Esaki ta demostra e resiliencia di pais Aruba.

Minister Oduber ta hiba un maneho unda tin un bon cooperacion cu tur e partnernan den e sector turistico. Minister Oduber ta gradici tur e partnernan, tur cu ta traha den e industria turistico y tur esnan cu ta haciciendo esaki posibel.

Minister Dangui Oduber ta bay sigui enfoca riba e cresemento di Aruba su turismo den cuadro di e aรฑa di recuperacion pa asina mantene e trend aki.

This will close in 0 seconds