Na ultimo ora Polis a dicidi pa artista Rich Kalash no presenta na Aruba

ORANJESTAD, Aruba

Apesar cu organisador di e evento ‘Ballers & Babe’ a traha na un forma organisa pa pidi tur permiso for di dia 9 di mei 2022, KPA a dicidi pa no honra e peticion pa e permiso. E evento aki tabata tin como atraccion principal e rapper ‘Rich Kalash’. Esaki sigur a bini como un sorpresa mirando cu ta apenas 24ora promer cu e evento mester tuma lugar, cu esaki a keda anuncia na e organisadornan. Esaki sigur ta algo di lamenta mirando cu tur preparacion y miles di florin den gasto a tuma lugar caba. Si KPA tabata tin un problema cu e evento, lo tabata responsabel pa comunica cu e organisadornan algun siman atras pa no mester a hasi e cantidad grandi gasto aki. Mester menciona cu e evento aki tabata uno ‘sold-out’ es decir un cantidad grandi di fanatico tampoco no lo por mira e artista ‘Rich Kalash’ presenta. Organisadornan a duna di conoce cu esnan cu a cumpra nan carchi via pay.aw lo ricibi nan placa bek otro siman. Pa e otro localidadnan di benta, nan por pasa na The Venue ( Westraat 1) diamars awor entre 3 or cu 6 or pm. Ta di spera cu e departamento di permiso di Polis por traha mas organisa y comunica nan decisionan riba permiso hopi mas adelanta pa por mantene un bon samenwerking.