Minister di Cultura Xiomara Maduro na presentacion escolar
โFiesta di Dia di San Juan โ Dera Gay 2022 na Cas di Culturaโ
-Diaranzon mainta Minister di Cultura a asisti na Cas di Cultura pa e presentacion escolar prepara pa Departamento di Cultura pa nos muchanan di scolnan preparatorio y scolnan basico klas 1 te cu 3. E presentacion tabata uno informativo y educativo di e fiesta di Dia di San Juan โ Dera Gay.
E mainta a inicia cu palabra di bon bini na Minister di Cultura Xiomara Maduro, muchanan di scol y docentenan. E prome presentacion tabata di Grupo Cakiรฑa, forma pa musiconan di Departamento di Cultura y amigonan musico kendenan a presenta algun pieza tipico y a sigui acompaรฑa e diferente presentacionnan. Minister di Cultura a wordo invita pa baila un wals. A sigui cu presentacion di Cuerpo di Bombero, Sr. Francis Toussaint kende a splica locual mester tene na cuenta ora cu ta sende candela. A duna algun tips, mirando cu riba Dia di San Juan, e cuerpo ta man yen di trabao. Aunke mester bisa si cu aรฑa pasa e cantidad di candela a bira menos y nan ta spera cu e aรฑa aki e por keda bira menos.
E presentacion a sigui caminda a invita dos docente riba scenario y a dunanan un splicacion di e baile di Dia di San Juan y despues e docentenan a presenta loke nan a siรฑa na esnan presente. A invita un paar di mucha pa nan tambe por presenta e baile di Dia di San Juan. A sigui cu e wega di baile di rancamento di bandera y e grito di galiรฑa y di gay cual e muchanan tambe a participa y esnan cu a gana a ricibi un certificado. E presencia di gay Chogogo a trece un extra ambiente den Cas di Cultura.
Minister Xiomara Maduro a keda masha contento y a goza di e presentacion hunto cu e muchanan di scol y docentenan. E mandatario a gradici e scolnan pa ta presente y particularmente Departamento di Cultura pa prepara y presenta e bunita mainta informativo, educativo y yen di ambiente di e fiesta di cosecha Dia di San Juan cu ta wordo celebra dia 24 di juni proximo.
Minister Xiomara Maduro cu cooperacion di Departamento di Cultura a entrega e scolnan โE caha sabiโ cual ta contene diferente folder cu ta splica e origen con pa celebra e fiesta di Dia di San Juan, e buki di Wantomba y e fiesta di Dia di San Juan, un USB cu musicanan di Dia di San Juan. Pa e scol por celebra e Fiesta di Cosecha, Dia di San Juan โ Dera Gay, tambe e scolnan a ricibi pa e baile un bandana preto pa mara e wowo, e palo pa mata e gay y un calbas. ย E presentacion escolar a wordo haci pa un cantidad di scol caminda mas di 5 mil mucha a participa y wordo educa riba nos fiesta tradicional di consecha Dia di San Juan, Dera Gay.
