GANADOANAN DI E RIFA DI MEP

ORANJESTAD, Aruba

Danki na tur esnan cu a contribui den e recaudacion di fondo pa Partido

Na Cede di Partido MEP, diadomingo 26 di juni, a tuma luga via pagina di Facebook di MEP e sorteo virtual di e rifa pa recuada fondo pa Partido MEP. Partido MEP ta gradici tur esnan cu a contribui den e recaudacion aki pa yuda Partido. E rifa a wordo hopi bon bendi y tawata sold out pa varios dia prome cu e sorteo a tuma luga. Partido MEP ta hopi satisfecho y gradecido. Total 13 mil florin ta wordo reparti den 5 feliz Ganado.

E numbernan ganado ta:

1. Prome premio: 17090: 10 mil florin cash

2. Di dos premio: 15251: 1500 florin cash

3. Di tres premio: 08666: 750 florin cash

4. Di cuatro premio: 12896: 500 florin cash

5. Di cinco premio: 01540:  250 florin cash

Lider di Partido MEP, den nomber di Partido MEP, ta gradici tur esnan cu un biaha mas ta sostene nos Partido prestigioso. MEP durante e ultimo 50 añanan, Partido MEP lo sigui traha incansablemente pa logra alcansa e maximo felicidad pa cada ciudadano riba e pida baranca aki. Covid a cuasa hopi daño economico y financiero na nos pais, y e compromiso MEP cu cada ciudadano di nos pais ta pa Aruba recupera.