HOH cu mas informacion den cuadro di tormente tropical

ORANJESTAD, Aruba

Crisisteam HOH a reuni un bes mas y ta desea di informa cu a prepara riba tur front pa asina salvaguardia siguridad di nos pashentnan, coleganan y bishitante. Ta desea di gradici di curason tur colega pa nan empeño y cooperacion pa asina ta cla pa cualkier eventualidad cu lo por surgi door di e tormenta tropical. 

Update decisionnan tuma:

• Dialisis si ta sigui normal pa tur nos pashentnan.
• Testcenter HOH lo sigui brinda servicio pero na Palm Beach Plaza te cu proximo aviso. Procedura pa test y orario di servicio ta keda mescos.
• Bishita no ta permiti mas despues di 5or di atardi mirando cu desde 6pm “Shelter in Place” ta drenta na vigor manera anuncia pa Gobierno di Aruba. Purba di haci mas cu por uzo di telefon priva, videcalling etc. pa keda den contacto cu e pashent admiti den Hospital.
• Departamento di Emergencia di HOH ta habri pa cualkier emergencia 24/7 pero ta pidi un y tur pa si e caso no ta uno di urgencia keda cas trankil y purba di subi caya lo menos posibel.
•  Awenochi tur personal cu tin warda (specialista, enfermero, departamentonan di sosten, servicio di cuminda etc) lo keda Hospital pa ta cla para den caso di emergencia.

Crisisteam, staf y coleganan di HOH ta desea di trankilisa un y tur cu Hospital ta cla pa cualkier eventualidad. Comunidad di Aruba por ta sigur cu nos lo sigui brinda e cuido di calidad na tur nos pashentnan manera ta custumber. Pa cualkier informacion por subi medionan social di Hospital unda ta sigui mantene comunidad di Aruba bon informa di tur desaroyo.

FIN