James Finies ta reuni ku Sekretario General di Nashonan Uni, Antonio Guterres

James Finies, presidente di Nos Ke Boneiru Bek I Davika Bissessar presidente di Bonaire Human
Rights Organization, a tene un reunion priva importante ku e Sekretario General di Nashonan Uni,
Antonio Guterres, na kual okashon a splika e situashon di apartheid ku Bonaire ta eksperensiando,
kaminda Reino Hulandes (Hulanda), a viola e status teritorial di Bonaire. Violando derechonan humano
di e pueblo, de strui nan kultura, identidat, idioma, podera di nan rekursonan natural, degrandando un
pueblo I nashon bunita manera Bonaire pa un entidat publiko, den pleno violashon di ley internashonal,
mientrastantu promoviendo formanan nobo di rekolonisashon, dor di manda Hulandesnan for di Oropa
pa obtene suidadania I derecho di voto den tres luna ku nan ta biba na Bonaire.
Sr Finies a informa e Sekretario General di Nashonan Uni ku awe na Bonaire, Reino Hulandes no
solamente ta kontrola nos tera, nos rikesa I nos g obierno, si no ku ademas ta reina un struktura sosial
diskriminatorio, tipiko di kolonialismo Hulandes ku a kausa asina tantu danjo na humanidat di siglonan
16 pa 19. “ E populashon lokal di Boneiru a wordu redusi ta bao di 40% desde 2010. Den algun dekada
mas nos lo a disparse komo Bonerianonan komo resultado di manehonan di rekolonisashon implementa
pa e Reino, Finies a atverti.
Dentro di kuadro di e 43 Reunion di Hefenan di Estado I Gobierno di CARICOM, tene na Paramaribo,
James Finies a denunsia e mane ho di intimidashon ku ta hibando kontra dje pa Reino Hulandes, ku e ta
pone responsabel pa kualke atentado kontra su bida. Mi lucha pa e derechonan di e pueblo di Bonaire ta
pasifiko I semper lo keda asina. Finies a reitira.
Un pregunta ku varios biaha a
wordu lansa pa e lidernan di CARICOM reunionan na nos, ta kiko
Hulanda tin pa gana?…nos a informa, 200 miya nautiko di Zona Esklusivo Ekonomiko di laman Karibe
pa eksplota tur su rekorsonan natural.
James Finies a entrega na e Sektretario General di Nas
honan Uni, e raport kompleto di e situashon ku
Bonaire ta eksperensiando, e estudio “ Investigashon di sufisiensa di propio propio-gobernashon den
konformidat ku standardnan internashonalmente rekonose: pais Bonaire”, prepara pa Dr Corbin I
Projekto di Estudio di Dependensia, ku a establese I konklui…. ku kualke projekshon di Bonaire komo
un modelo di demokrasia ta un ilushon grandi…defisiente na tur normanan di gobernashon
demokratiko. Sinenbargo mientras ku kolonialsimo ta permanese ilegal, su ilegalidat hop i biaha ta un
asunto di poder, no di hustisia…
Sr Finies a gradisi Guterres pa e espasio brinda I a rekonose su interes den e kaso di Bonaire I e
boluntat politiko mustra pa e Sekretario General di Nashonan Uni, un homber kompremeti na paz I
derecho in ternashonal.