Inmigracion Aruba ta informa:
Manera ta conoci, ayera Inmigracion Aruba a anuncia e proceso nobo den cuadro di permiso pa biahamento di hobennan cu ta menor di edad. Considerando cu algun mayor lo ta biahando sea awe of den transcurso di siman, Inmigracion Aruba ta rectifica e proceso nobo cu a wordo anuncia ayera, y lo acepta e proceso anterior cual ta ensera e carta firma door di ambos mayor.
Ta pidi henter comunidad pa porfabor tene na cuenta cu esaki ta valido solamente pa biahenan cu lo tuma luga a corto plaso, caminda e tempo stipula pa yega na diferente documento ta tuma tempo, manera e acto di nacemento cual por dura un siman.
Bisando esaki, Inmigracion Aruba lo keda monitorea e situacion, y lo evalua e posibilidad di implementa e proceso nobo aki, entrante 18 juli 2022.
