CONSEHO DI MINISTER DI REINO NO A TRATA AANWIJZING

ORANJESTAD, Aruba

Manera Minister President Evelyn Wever-Croes a informa diaranson ultimo, e conseho di CAft pa un ‘aanwijzing’ pa Aruba no tabata riba agenda di Conseho di Minister di Reino awe diabierna 15 di juli. Minister President den e siguiente simannan lo atende e tema aki, aki na Aruba y aya na Hulanda. E meta ta pa evita un ‘aanwijzing’ y si e mester bin mes, lo cuminsa prepara di awor caba pa bringa esaki na Raad van State.

“Nos huristanan a duna nos un prome assessment di e conseho y ta convenci cu e no tin suficiente base pa un ‘aanwijzing’. Pues mientras cu nos ta trahando pa evita e aanwijzing, nos lo traha tambe pa bringa e aanwijzing. Mi tin tur confiansa cu nos lo resolve e problema aki pasobra e berdad ta na nos banda”, Minister President Evelyn Wever-Croes a duna di conoce.