MINISTER ENDY CROES TA FELICITA GRADUADONAN DI EPI SECTOR ECONOMIA

ORANJESTAD, Aruba

Minister Endy Croes tabata presente na e ceremonoia di graduacion di EPI Sector Economia. Presente tambe na e ocasion special aki tabata Minister di Asuntonan Economico, Comunicacion y Desaroyo Sostenibel Geoffrey Wever. Minister Endy Croes tabatin e honor pa dirigi palabra pa felicita e graduadonan y a expresa di ta sumamente orguyoso pa mira nos hobennan finalisa nan estudio. 

Esaki sigur ta e resultado di boso esfuerso, deseo, disciplina, dedicacion y determinacion. Educacion ta e pilar, base firme y fuerte di nos bida. Educacion ta e yabi di futuro. Awe e graduado ta mira cu tur su esfuersonan a duna su fruto positivo.  Minister Endy Croes ta desea tur graduado cu ta bay drenta mercado laboral y tur graduado cu ta sigui profesionalisa nan mes den un estudio mas avansa, hopi exito. E mandatario a sigui bisa: cu si mi por a duna boso un conseho probecha awo cu boso ta jong pa boso sigui siña y prepara bo mes pa mañan ta ciudadanonan exitoso cu por sigui hiba nos dushi pais pa dilanti.

Pa finalisa e Mandatario ta gradici staf, personal, docente y mentornan pa nan guia y pasenshi pa yuda forma 43 profesional. Alabes ta felicita e mayornan y famianan cu duna sosten. Danki pa kere den boso yiu y sostene nan den nan educacion. Masha pabien tur graduado, hopi exito!