Landsrecherche ta yama Ex Minister Otmar Oduber pa busca su pertenencianan bek!

ORANJESTAD, Aruba

Landsrecherche ta yama Ex Minister Otmar Oduber pa busca su pertenencianan bek despues di luna nan cu esaki y sin ningun resultado.
Por corda cu e caso Flamingo a cuminsa cu hopi fanfaria y a causa hopi noticia negativo. Awor despues di luna nan ta yama e Ex Mandatario pa bin busca su pertenencianan bek.
Ta puntra eora ey pakiko a hasi tur e show pa hasi entrada hudicial na diferente casnan y negoshinan pa e “supuesto” caso grandi FLAMINGO.

Recientemente nos por wak con Ministerio Publico ta perdiendo caso tras di caso y ta mustra un falta di expertisio pa locual ta e casonan cu Ministerio Publico ta trese dilanti Juez.

E Ex Mandatario Otmar Oduber a bolbe remarka con e casonan mas y mas ta mustra como cu ta un caso sin fondo y sin prueba y cu a cuminsa riba redo di Parlamentario Marisol Lopez Tromp. Un punto hopi remarkabel tambe ta cu niun di e puntonan di acusacion cu Ministerio Publico na inicio di caso flamingo a trese dilanti a wordo trata den corte, NI UN!

E Ex Mandatario Otmar Oduber hunto cu su abogado Sr. Vito Carlo lo atende cu cada aspecto di e caso aki debi cu a atacha su nomber y di su famia!