Papa Gerardo, Tata di e Famoso Director di Gucci Dancers a Fayece 15 di Juli 2022

Diadomingo 10 di Juli ’22 dia cu Mama di Rene a hasi aña, E Director di Gucci Dancers, Esta Rene Kock a wordo yama door di Presidente di Celeberties ABC na unda un Carta Oficial a wordo entrega cu Su Persona y Gucci Dancers Aruba cu nan ta un Nominado di Aruba Awards 2022

Dianan ta yegando serca cu Tata di Director Rene Kock a wordo trasporta pa 1ste Hulp despues Hospital na unda su persona mes a keda anochinan largo hunto cu su Rumanan.

Diabierna 15 di Juli ’22 Papa Gerardo a fayece den presencia di su 4 yuinan 2:25 PM na Hospital.

Gerardo Kock, ta conosi den Pueblo como e Unico Coach cu a Coach varios liganan na Aruba, di cual ta South, Center y North League den area di Baseball.

Cu Sentimento nan mixto y tristesa, den e prome oranan Director Rene Kock, a Disidi di no Presenta na e Aruba Awards, Sin embargo a wordo stimula door di su Rumanan pa bay, “Papi lo ta Proud dibo”

8or Pm e Evento a cuminsa na Renaissance Hotel Wind Creek Crystal Casino Theater y e bailadornan di Gucci Dancers a keda ansiosamente pafo wardando nan Director.

Rene Kock a yega y na mesun momento a bira emotional pa e gran apoyo di su grupo di baile, na unda den e momentonan ey e ta hopi tristo. Su Mama Gran Dama Cultural di Aruba Rufina Christiaans a ricibie y hunto cu su Grupo di baile Gucci Dancers a drenta e sala principal.

Tur e nominadonan a para un rato y a saluda Rene Kock y a Dune nan Condolencia.

Director di Gucci Dancers hunto cu e grupo di baile en general no tawata sa mes ki sorpresa lo bay tin pa nan den e categoria cu nan a clasifica.

Par di Minuut prome cu a nombra e ganadornan, e Ruman Muher di Rene, esta Gwendy Kock a bin sorprese hunto cu su casa y yui. Cu hopi emotion Rene a brasa su Ruman y a gradisi nan pa nan presencia, mirando cu nan tur ta den momento di tristesa.

E M.C. Srta. Nen Flores a anuncia e Categoria di Baile na Aruba y ken tur ta e nominadonan. Pa Gucci Dancers Aruba su Sorpresa y Director Rene Kock, Nan a Sali como Ganador di e Premiacion “Prominent Dance Group of the year”

Cu hopi emotion, Rene Kock a lanta y cu un caluroso grito di alegria den e sala y naturalmente tur e bailadornan di Gucci Dancers tambe, Rene a cana bay Riba Stage y a ricibi su Reconosimento den nomber di Gucci Dancers Aruba.

Cu hopi emocion Rene a splica den Ingles cu e Award aki ta danki na su Famia Completo di Bailadornan di Gucci Dancers, e la Bisa cu e la caba di perde su tata par di oranan atras y sin duda den e Memoria di su Tata y Su Mama e ta didica su triunfo.

Sin por a spera emotionalmente lagrimanan a basha ford’i su Ruman Muher Gwendy y Famia nan wowo , cu e logro aki di Rene y Gucci Dancers

Rene su balentia ta keda semper na Su Mama y Tata. Y ta contento cu por a ricibi y gana e premiacion aki.

Nos palabranan di Condolencia na Rene Kock y ful su Famia, cu e perdida di nan Tata Stima Gerardo Kock