For di aña 1992 rond di mundo, e prome siman di augustus ta wordo dedica na e conscientisacion di e importancia y necesidad pa cria baby cu lech’i pecho.

ORANJESTAD, Aruba

For di dia 1 te cu dia 7 di augustus, e 𝑺𝒊𝒎𝒂𝒏 𝑰𝒏𝒕𝒆𝒓𝒏𝒂𝒄𝒊𝒐𝒏𝒂𝒍 𝒅𝒊 𝑳𝒆𝒄𝒉’𝒊 𝑷𝒆𝒄𝒉𝒐 ta tuma luga, caminda ta reconoce e alimento aki como e miho fuente di nutricion pa crecemento y desaroyo sano di un mucha.

Lech’i pecho ta yuda proteha e mucha contra hopi infeccion y malesa. Lech’i pecho tambe ta yuda fortalece e sistema inmunologico, y ta percura pa un optimo desaroyo di e celebro y sistema nervioso.

Lech’i pecho ta forma parti di e Metanan di Desaroyo Sostenbel #3 (SDG 3) di Nacionnan Uni, pa crea conscientisacion na un mundo mas saludabel, prospero y sostenibel.

Dunamento di lechi di pecho ta crea un relacion intimo cu e baby.