DIMAS ta introduci su Portal Digital na miembronan di ATIA

ORANJESTAD, Aruba

Aruba Trade and Industry Association (ATIA) hunto cu DIMAS a organiza su prome session pa miembronan di ATIA, unda   DIMAS a introduci nan Portal Digital nobo pa aplica pa permiso di trabou. Tin mas sesion planea pa ATIA su miembresia unda por haya mas informacion, haya nan registracion y “usernames” cla caba, y haya un splicacion amplio con e proceso digital ta traha. Durante e sesion por a hasta cuminsa usa e portal nobo pa haci peticion pa permiso.

E portal aki lo bai hasi e proceso di aplicacion pa permiso na DIMAS mas eficiente. ATIA kier a agradeci DIMAS pa e presentacion y tambe ta pidi su miembro nan keda pendiente pa e proximo sesion cu lo wordo anuncia pronto via e-mail.

###

ATIA

Aruba Trade and Industry Association (ATIA) a wordo funda na aña 1945 y ta e organisacion principal cu ta representa empresanan, empresarionan y comercio na Aruba. E meta di ATIA ta pa defende, promove y proteha e interesnan di su miembronan y comercio di Aruba en general. Pa mas informacion por bishita www.atiaruba.org y nos rednan social www.facebook.com/arubatrade, www.instagram.com/atiaruba, y https://www.linkedin.com/company/aruba-trade-and-industry-association