Aruba Bank ta aporta na regreso di Caribbean Monster Truck Shoot-out 2022
ORANJESTAD, Aruba
Aruba Bank ta sumamente complaci di a anuncia nan aporte pa realisa e Caribbean Monster truck Shoot out 2022, y colaboracion cu Brazilian Flash Racing Foundation y The New Horizon Racing Team durante di e rueda di prensa diabierna 12 di augustus.
Aruba Bank ta kere den forma alianza cu organizacionnan local cu ta inverti den eventonan cu ta trece union den nos comunidad y entretenimento pa grandi y chikito na Aruba.
Na mesun momento Aruba Bank lo ta regalando 300 mucha di scolnan basico na Aruba nan entrada pa e Caribbean Monster Truck Shoot out 2022 cu lo tuma lugar dia 29 y 30 di september, 01 y 02 di oktober 2022 na raceway Park Palo Marga International Raceway Park.
Comunidad ta keda invita pa atende e regreso di e evento, despues di 10 aña, y pa sigi e pagina di Facebook di Caribbean Monster Truck Shoot-out aki: https://bit.ly/3AiR0P2 pa mas informacion.
