Minister di Cultura Xiomara Maduro a entrega reconocimento na famia pa Etty Toppenberg

ORANJESTAD, Aruba

Na final di su discurso na Plaza Nicky Habibe Jr. durante e evento Homenahe na Etty, Minister Maduro a yama famia Toppenberg padilanti pa acepta un muestra di aprecio, un reconocimiento di Gobierno di Aruba pa medio di Minister di Cultura pa Etty Toppenberg.

E reconocimento ta bisa lo siguiente: “Danki pa deleita, mantene y promove nos musica pa mas di 65 aña y asina yuda tene nos herencia cultural bibo”.

Na mes momento e mandatario a entrega un boeket di flor pa wordo entrega na sra. Corma Toppenberg, casa di Etty. E publico presente a keda masha contento y den fin di siman tur caminda por a scucha e reaccion den comunidad cu e reconocimiento ta uno bon mereci.